Mama

di tramedipensieri

Zorilla

Zorilla

 

O mamma mia adorada tott’a tie
Dèdico custa misera fatiga,
Comente su mezzus fruttu e s’ispiga
De cuddu chi allattadu has una die.
Ma tue ses morta mamma beneitta
Preziosa pius de prata e oro;
E sos cantos chi fattu hap’in su coro
Non des’intendere in sa terra fritta.
Ma in sa rugh’e linna castagnina
Chi signat sos ossos tuos, mamma ona
Appicco pîanghinde che corona
Custa sinzera e umile fâina,
In sa cale ogni forza b’hapo postu
E de su coro su mezzus ardore,
Pro la poder cumprire cun onore
De s’arte mia e de su logu nostu.
E si custa faina m’est bessida
Troppu indigna de te o mamma ona,
Tue a morta a su fizu perdona
Comente sempre has fattu in custa vida.
Su Montanaru
*
Dedica ad una Mamma che è tornata alla Madre Terra

 

Annunci